
Harvard universiteti millionerga aylangan bitiruvchilari soni bo‘yicha dunyoda yetakchi hisoblanadi. Bu dargohni AQShning 8 nafar prezidenti va 160 nafar Nobel mukofoti sovrindori tamomlagan. Bu yerga o‘qishga kirish juda qiyin, Harvard diplomi esa muvaffaqiyatli hayotning asosiy kalitlaridan biri sanaladi. Xo‘sh, bu nufuzli dargohning siri nimada? Uni boshqalardan nima ajratib turadi? Ushbu savollarga o‘z hayotini Harvard fenomenini o‘rganishga bag‘ishlagan tadqiqotchi Vey Syuin ushbu kitobda javob beradi. Kitobda muvaffaqiyat faqatgina chuqur bilim bilan cheklanib qolmasligi, balki temir intizom, xarakter, qat’iyat, tinimsiz mehnat va muntazam ravishda o‘z ustida ishlash bilan chambarchas bog‘liqligi ochib berilgan. Asar o‘z imkoniyatlariga ishonish, maqsadlarni aniq belgilash va ularga qat’iy intizom bilan erishish yo‘llarini ko‘rsatib beradi.